Электрондық әмиян (квазимемлекеттік сектор)

• Дербес шот құру / толтыру (электрондық әмиян)
• "Тендер", "Баға ұсыныстарын сұрату", "Аукцион" тәсілдерімен электрондық әмияннан өтінімді қамтамасыз етуді енгізу.
• "Тендер", "Баға ұсыныстарын сұрату","Аукцион" сатып алуға қатысуға өтінімдерді қамтамасыз етуді қайтару
• Электрондық әмияннан ақша қаражатын шығару
• Өтінімді қамтамасыз етуді бұғаттау, бұғаттан шығару және ұстап қалу бойынша транзакциялардың мәртебесін тексеру

Сатып алуға өтінім берер алдында ұсынамыз:

• "Хабарландырулар" мәзіріне өтіңіз {*}{+}https://eep.mitwork.kz/ru/publics/buys+* және қажетті хабарландыруды таңдаңыз.
• Хабарландыру бетінде өтінімді қамтамасыз етуді енгізу тәсілдері егжей-тегжейлі көрсетілген сатып алу қағидаларымен немесе хабарландыруға қоса берілген құжаттамамен танысу қажет.

Дербес шот құру / толтыру (электрондық әмиян)

Дербес шотты құру үшін «Өнім беруші» -«Дербес шот» мәзіріне өту керек.

Ашылған нысанда жүйе "Сатып алуларға өнім беруші рөлінде қатысу үшін дербес шот жасау  қажет" деген хабарламаны көрсетеді. Дербес шот жасау үшін «Жасау» батырмасын басыңыз.

Электрондық әмиянның көмегімен өтінімді қамтамасыз етуді енгізу үшін Оператордың банктік шотына тауарларды, жұмыстарды, көрсетілетін қызметтерді сатып алуға бөлінген соманың 1% немесе одан көп соманы аудару қажет. Дербес шотты толтыру үшін «Толтыру» батырмасын басу қажет.

Көрсетілген тапсырыстар себетінде толтыру сомасын көрсетіңіз. Әрі қарай тапсырысты рәсімдеу керек.

 

 
Ресімделген тапсырыста өтінімдерді қамтамасыз етуді енгізу үшін оператордың банктік деректемелері көрсетілген төлем шотын жүктеу қажет.
Төлем шотын қалыптастырғаннан кейін Сіз порталда онлайн-төлемнен басқа кез келген тәсілмен төлем жасай аласыз.
Назар аударыңыз!

• Шот төлем шотында көрсетілген Төлеушінің атынан төленуі керек. Егер төлемді үшінші тұлғалар жүргізсе, ақша сәйкестендірілмейді. Сәйкестендіру мақсатында support@mitwork.kz  және info@mitwork.kz электрондық мекенжайларға төлем жасалған Компанияның деректемелері көрсетілген ресми хат жіберу қажет.
• Қалыптастырылған тапсырыстан төмен соманы төлеген жағдайда, ақша қаражаты дербес шотқа аударылмайды. Оператордың есеп айырысу шотына аударылған тең сомаға жаңа тапсырыс жасау керек.
• Қалыптастырылған тапсырыстан жоғары соманы төлеген жағдайда, ақша қаражаты дербес шотқа аударылмайды. Оператордың есеп айырысу шотына аударылған тең сомаға жаңа тапсырыс жасау керек.

Дербес шотты толықтыру төлем түскен сәттен бастап 1 жұмыс күні ішінде жүзеге асырылады. Ақша аударылғаннан кейін веб-порталдың дербес шотында Сіз аударған ақша қаражаты көрсетіледі.  Дербес шоттағы қолжетімді соманы «Өнім беруші –Дербес шот» бөліміне өту арқылы көруге болады. Ашылған нысанда жүйе дербес шот туралы ақпаратты көрсетеді.

"Тендер", "Баға ұсыныстарын сұрату", "Аукцион" тәсілдерімен электрондық әмияннан өтінімді қамтамасыз етуді енгізу

Тиісті сатып алуға өтінім жасау үшін өтінімді жасау кезінде қамтамасыз ету түрін таңдау қажет. Бұл кезеңде жүйе қамтамасыз ету сомасын автоматты түрде есептейді.

 
Бұл ретте тиындармен есептелген өтінімді қамтамасыз ету сомасы дөңгелектенеді. Елу тиыннан аз сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді. Әрі қарай өтінімге электрондық цифрлық қолтаңбамен қол қою кезінде жүйе Сіздің электрондық әмияныңыздағы тауарларды, жұмыстарды, қызметтерді сатып алуға бөлінген соманың 1% сомасын автоматты түрде бұғаттайды. Өтінімді қамтамасыз ету бойынша бұғатталған сомаларды көру үшін «Өнім беруші» -«Дербес шот» мәзіріне өту қажет.                                                         

"Тендер", "Баға ұсыныстарын сұрату","Аукцион" сатып алуға қатысуға өтінімдерді қамтамасыз етуді қайтару

Квазимемлекеттік секторды сатып алу қағидаларына сәйкес Ұйымдастырушы әлеуетті өнім берушіге сатып алуға қатысуға өтінімді қамтамасыз етуді келесі жағдайлардың бірі басталған күннен бастап үш жұмыс күні ішінде қайтарады:
            1) осы әлеуетті өнім беруші тендерге қатысуға өтінімдерді ұсынудың соңғы мерзімі аяқталғанға дейін тендерге қатысуға өзінің өтінімін кері қайтарып алған жағдайларда ашу хаттамасын орналастыру;
            2) Қорытындылар хаттамасын жариялау. Көрсетілген жағдай жеңімпаз анықтаған қатысушыға қолданылмайды;
            3) әлеуетті өнім берушінің сатып алу туралы шартқа қол қоюы және ол шарттың орындалуын қамтамасыз етуді және (немесе) Қағидалардың 160-тармағына сәйкес соманы енгізуі (бар болса).
         Оператор әлеуетті өнім берушіге сатып алуға қатысуға өтінімді бұғатталған қамтамасыз етуді автоматты түрде келесі жағдайларда бұғаттаудан шығарады:
            1) осы әлеуетті өнім берушінің тендерге қатысуға өтінімдерді ұсынудың соңғы мерзімі аяқталғанға дейін сатып алуға қатысуға өзінің өтінімін кері қайтарып алуы;
            2) Қорытындылар хаттамасын жариялау. Көрсетілген жағдай жеңімпаз анықтаған сатып алуға қатысушыға қолданылмайды;
            3) әлеуетті өнім берушінің сатып алу туралы шартқа қол қоюы және шарттың орындалуын қамтамасыз етуді және (немесе) Қағидалардың 151-тармағына сәйкес соманы енгізуі (бар болса).
 
Электрондық әмияннан ақша қаражатын шығару
Электрондық әмиянда орналастырылған ақшаны қайтару туралы әлеуетті өнім берушінің талабы бойынша электрондық сатып алудың ақпараттық жүйесінің операторы мұндай талап келіп түскен күннен бастап үш жұмыс күні ішінде бұғаттау жүзеге асырылмаған немесе бұғаттау тоқтатылған көрсетілген ақшаны қайтарады.
Ақшалай қаражатты қайтару үшін өнім беруші «Өнім беруші» - «Дербес шот» мәзіріне өтуі керек. Ашылған нысанда шешіп алуға болатын жалпы теңгерім көрсетіледі. Әрі қарай  «Жаңа өтініш» батырмасын басу қажет.

Өтініш типін таңдау керек/ақша қаражатын алудың жалпы сомасын көрсету керек/ашылмалы тізімнен оператор ақша аударатын банктік шотты таңдау керек.

Өтінішке электрондық цифрлық қолтаңбамен сәтті қол қойылғаннан кейін оператор өтініште көрсетілген банк шотына үш жұмыс күні ішінде ақша қаражатын аударатын болады.
 

Өтінімді қамтамасыз етуді бұғаттау, бұғаттан шығару және ұстап қалу бойынша транзакциялардың мәртебесін тексеру

 
Өтінімді қамтамасыз ету мәртебесін тексеру үшін «Өнім беруші» - «Дербес шот» - «Өтінімді қамтамасыз ету жөніндегі операциялар» мәзіріне өту қажет. Ашылған нысанда Өнім берушіге өтінімді қамтамасыз етуді бұғаттау, бұғаттан шығару және ұстап қалу жөніндегі ақпарат, сондай-ақ сатып алуға өтінімнің мәртебесі, хабарландыру мен шарттың нөмірі және қамтамасыз ету сомасы қолжетімді болады.