Жосықсыз қатысушылардың тізілімі

• ӨНІМ БЕРУШІ ТІЗІЛІМГЕ ҚАНДАЙ НЕГІЗДЕ ҚОСЫЛАДЫ?
• ТІЗІЛІМГЕ  ЕНГІЗУ ТӘРТІБІ
• ЖОСЫҚСЫЗ ҚАТЫСУШЫЛАРДЫ ТІЗІЛІМГЕ ЕНГІЗУ МЕРЗІМІ
• ШЕШІМГЕ ШАҒЫМДАНУ
• ТІЗІЛІМГЕ ЕНГІЗУДІҢ САЛДАРЫ

ЖОСЫҚСЫЗ ҚАТЫСУШЫЛАР ТІЗІЛІМІНЕ КІМ КІРЕДІ?
"Мемлекеттік мүлік туралы" Қазақстан Республикасы Заңының 186-бабының 2-тармағына сәйкес жосықсыз қатысушылардың тізілімі келесіні білдіреді:

1. Сатып алу туралы шарт жасасудан жалтарған жеңімпаздар болып айқындаған әлеуетті өнім берушілер;
2. Біліктілік талаптары және (немесе) конкурстық баға ұсынысына әсер ететін құжаттар бойынша дұрыс емес ақпарат берген әлеуетті өнім берушілер немесе өнім берушілер;
3. Жасалған сатып алу туралы шарттар бойынша өз міндеттемелерін орындамаған не тиісінше орындамаған өнім берушілер.

ӨНІМ БЕРУШІ ТІЗІЛІМГЕ ҚАНДАЙ НЕГІЗДЕ ҚОСЫЛАДЫ?

1. Осы баптың 2-тармағы бірінші бөлігінің 1) тармақшасында көзделген сатып алуға жосықсыз қатысушылардың тізілімі сатып алуды бақылау жөніндегі орталықтандырылған қызметтің шешімі негізінде қалыптастырылады.
2. Осы баптың 2-тармағы бірінші бөлігінің 2) және 3) тармақшаларында көзделген сатып алуға жосықсыз қатысушылардың тізілімі заңды күшіне енген сот шешімінің негізінде қалыптастырылады.

ТІЗІЛІМГЕ ЕНГІЗУ ТӘРТІБІ

• Осы тармақтың бірінші бөлігінің 1) тармақшасында көрсетілген жағдайда, Тапсырыс беруші әлеуетті өнім берушінің шарт жасасудан жалтарған күннен бастап он жұмыс күні ішінде осындай әлеуетті өнім беруші туралы мәліметтерді сатып алуды бақылау жөніндегі орталықтандырылған қызметке жібереді.
• Осы тармақтың бірінші бөлігінің 2) тармақшасында көрсетілген жағдайда, Тапсырыс беруші, сатып алуды ұйымдастырушы бұзушылық фактісі туралы өздеріне мәлім  болған күннен бастап күнтізбелік отыз күннен кешіктірмей, сотқа осындай әлеуетті өнім берушіні немесе өнім берушіні сатып алуға жосықсыз қатысушы деп тану туралы сотқа қоюмен жүгінеді.
• Осы тармақтың бірінші бөлігінің 3) тармақшасында көрсетілген жағдайда, Тапсырыс беруші Өнім берушінің  шартты бұзу фактісі туралы өзіне мәлім болған күннен бастап күнтізбелік отыз күннен кешіктірмей, өнім беруші тұрақсыздық айыбын (айыппұл, өсімпұл) төлеген және шарттық міндеттемелерді толық орындаған жағдайларды қоспағанда, сотқа  осындай өнім берушіні сатып алуға жосықсыз қатысушы деп тану туралы талап қоюмен жүгінеді.  

ЖОСЫҚСЫЗ ҚАТЫСУШЫЛАРДЫ ТІЗІЛІМГЕ ЕНГІЗУ МЕРЗІМІ

• Осы баптың 2-тармағы бірінші бөлігінің 1) тармақшасында көзделген негіз бойынша сатып алуға жосықсыз қатысушылардың тізіліміне енгізілген әлеуетті өнім берушілер немесе өнім берушілер сатып алуға тапсырыс беруші оларды сатып алуға жосықсыз қатысушылар деп тану туралы шешім қабылдаған күннен бастап 24 ай ішінде қатысуға жіберілмейді.
• Осы баптың 2-тармағы бірінші бөлігінің 2) және 3) тармақшаларында көзделген негіздер бойынша сатып алуға жосықсыз қатысушылар тізіліміне енгізілген әлеуетті өнім берушілер немесе өнім берушілер осындай өнім берушілерді сатып алуға жосықсыз қатысушылар деп тану туралы сот шешімі заңды күшіне енген күннен бастап 24 ай ішінде сатып алуға қатысуға жіберілмейді.

ШЕШІМГЕ ШАҒЫМДАНУ

Әлеуетті өнім берушіні немесе өнім берушіні сатып алуға жосықсыз қатысушылардың тізіліміне енгізу туралы шешімге олар Қазақстан Республикасының заңнамасына сәйкес шағым жасай алады.

ТІЗІЛІМГЕ ЕНГІЗУДІҢ САЛДАРЫ

• Егер әлеуетті өнім беруші не оның қосалқы мердігері (бірлесіп орындаушысы) сатып алуға жосықсыз қатысушылар тізілімінде және (немесе) Мемлекеттік сатып алуға жосықсыз қатысушылар тізілімінде және (немесе) Ұлттық әл-ауқат қоры мен заңды тұлғалардың сенімсіз әлеуетті өнім берушілерінің (өнім берушілерінің) және дауыс беретін акцияларының (жарғылық капиталға қатысу үлестерінің)  елу және одан да көп пайызын Ұлттық әл-ауқат Қоры тікелей немесе жанама иеленетін заңды тұлғалардың тізбесінде тұрса, өткізілетін сатып алуға қатысуға құқылы емес
• Тауарларды, жұмыстарды, көрсетілетін қызметтерді сатып алуға тіркелген жері мемлекет немесе аумақ болып табылатын, салық түсімдері мен бюджетке төленетін төлемдерді қамтамасыз ету саласындағы басшылықты жүзеге асыратын уәкілетті орган бекітетін, жеңілдетілген салық салынатын мемлекеттердің (офшорлық аймақтардың) тізбесіне енгізілген заңды тұлғалар болып табылатын әлеуетті өнім берушілер жіберілмейді.

*Тапсырыс беруші жататын секторға байланысты сатып алуға қатысуға шектеулер