Шағым беру

"Квазимемлекеттік сектордың жекелеген субъектілерінің сатып алуы туралы" Заңның 16-бабына сәйкес
2 т. Егер тапсырыс берушінің, сатып алуды ұйымдастырушының, тендерлік комиссияның (аукциондық комиссияның), сатып алу жөніндегі сарапшының, сатып алу жөніндегі сараптама комиссиясының, электрондық сатып алу ақпараттық жүйесі операторының әрекеттері (әрекетсіздігі), шешімдері әлеуетті өнім берушінің құқықтарын және (немесе) заңды мүдделерін бұзса, әлеуетті өнім беруші өтінімдер, баға ұсыныстары ашылған күнге дейін олардың әрекеттеріне (әрекетсіздігіне), шешімдеріне шағым жасауға құқылы.
3 т. Егер тапсырыс берушінің, сатып алуды ұйымдастырушының, тендерлік комиссияның (аукциондық комиссияның), сатып алу жөніндегі сарапшының, сатып алу жөніндегі сараптама комиссиясының, электрондық сатып алу ақпараттық жүйесі операторының әрекеттері (әрекетсіздігі), шешімдері сатып алуға қатысқан әлеуетті өнім берушінің құқықтарын және (немесе) заңды мүдделерін бұзса, сатып алуға қатысқан әлеуетті өнім беруші сатып алу қорытындылары туралы хаттама жарияланған күннен бастап екі жұмыс күні ішінде олардың әрекеттеріне (әрекетсіздігіне), шешімдеріне шағым жасауға құқылы.

Шағым беру тек "Өнім беруші" өкілеттігі бар пайдаланушылар үшін қолжетімді.
Маңызды! Өнім беруші тек квазимемлекеттік сектордың сатып алуы бойынша шағым бере алады

Кімге шағым беруге болады?

Шешіммен келіспейтін әлеуетті өнім беруші шағым бере алады:

  • ұйымдастырушыға / тапсырыс берушіге;
  • тендерлік комиссияға;
  • сараптамалық комиссияға;
  • портал операторына.


«Өнім беруші» өкілеттігі бар пайдаланушыға шағым беру үшін Өнім беруші-Шағымдар бөліміне өту қажет. Ашылған бетте шағым беру үшін бұрын берілген өтінімдердің тізімі, фильтрлер және "Жасау" батырмасы көрсетіледі. 

 "Жасау" батырмасын басқан кезде Өнім берушіге Жаңа шағым карточкасы ашылады, онда келесі деректерді көрсету қажет*:

  • Шағым типі
    • «Ұйымдастырушыға/тапсырыс берушіге шағым»
    • «Тендерлік комиссияға шағым»
    • «Сараптамалық комиссияға шағым»
    • «Портал операторына шағым» *** Таңдалған шағым типіне байланысты жүйе нысанды толтыру үшін қосымша жолақтар қосады.
  • Саты палу нөмірі
    • алу нөмірі немесе атауы бойынша іздеу
  • Сұрау


Барлық жолақтарды толтырғаннан кейін "Жасау" батырмасын басу керек.
"Жасау" батырмасын басқаннан кейін жүйе "Шағымға қосымша" хабарын көрсетеді, оның арқасында Өнім беруші өз шағымының құжатталған дәлелдерін қоса алады.
Нысан толтырылғаннан кейін Өнім беруші өз шағымын сақтай немесе жариялай алады.
"Жариялау" батырмасын басқан кезде ЭЦҚ кілтімен шағымға қол қою қажет болады.
Қол қойылғаннан кейін жүйе "Сізге шағымның қаралғаны және жауаптың жіберілгені туралы хабарланады" хабарламасын көрсетеді.

Қол қойылғаннан кейін шағымның мәртебесі "Берілді" болып өзгереді.
Өнім берушінің Орталықтандырылған сатып алуды бақылау қызметі шағымды қарағанға дейін шағымды кері қайтарып алу және жаңасын жасау мүмкіндігі бар.

Сатып алуды бақылау жөніндегі орталықтандырылған қызмет шағымды қарау кезінде шағым "Қаралуда" мәртебесіне ауысады.

Егер Сатып алуды бақылау жөніндегі орталықтандырылған қызметі Өнім берушінің шағымына жауап берсе, жүйе "Шағымға жауап" хабарламасын көрсетеді.
Өнім беруші "Өнім беруші" - "Шағымдар" бөліміне өтіп, "Аяқталды" мәртебесі бар шағымды табуы керек.
СБжОҚ жауабына қарсылық білдіру
"Қарсылық білдіру" батырмасын басу керек

"Қарсылық" жолағына қарсылық мәтінін жазыңыз және "Қарсылықты жариялау" батырмасын басыңыз

  • No labels