Қаржылық орнықтылықты тексеру
28. Егер сатып алу (лот) сомасы республикалық бюджет туралы заңда тиісті қаржы жылына белгіленген АЕК 48000 еселенген мөлшерінен асатын болса, әлеуетті өнім берушінің қаржылық орнықтылығы түріндегі біліктілік талабы тауарларды, жұмыстар мен көрсетілетін қызметтерді сатып алу кезінде тендер (аукцион) тәсілімен сатып алуға қатысатын әлеуетті өнім берушілерге қойылады.

29. Әлеуетті өнім берушінің қаржылық орнықтылығын веб-портал автоматты түрде мемлекеттік кірістер органдарының мынадай мәліметтері негізінде айқындайды:
      1) кірістер;
      2) төленген салықтар;
      3) негізгі құралдар;
      4) еңбекақы төлеу қоры.

30. Әлеуетті өнім беруші, егер ол жиынтығында мынадай шарттарға сәйкес келсе:
      1) әлеуетті өнім берушінің кірістері мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жыл ішінде тиісті қаржы жылына белгіленген айлық есептік көрсеткіштің төрт жүз мың еселенген мөлшерінен астам немесе сатып алуды жүзеге асыру үшін бөлінген соманың кемінде екінші бөлігін құрайтын болса;
      2) өткен жылдың алдындағы үш жыл ішінде төленген салықтардың көрсеткіші мемлекеттік кірістер органдарының ақпараттық жүйелерінің деректеріне сәйкес осы тармақтың 1) тармақшасында көрсетілген әлеуетті өнім беруші кірістерінің кемінде үш пайызын (3%) құрайтын болса қаржылық орнықты деп танылады.
Осы Қағидалардың мақсаттары үшін төленген салықтар көрсеткішінің есебі мемлекеттік кірістер органдарының ақпараттық жүйелерінің деректеріне сәйкес мынадай формула бойынша айқындалады:

 
     
ТСК = ТС / К х 100%

ТСК – төленген салықтардың көрсеткіші;
ТС – мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жыл ішінде төленген салықтар сомасы;
К – мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жыл ішіндегі әлеуетті өнім беруші кірістерінің сомасы;

 
3) әлеуетті өнім берушінің негізгі құралдарының орташа жылдық құны өткен жылдың алдындағы үш жыл ішінде мемлекеттік кірістер органдарының ақпараттық жүйелерінің деректеріне сәйкес тиісті қаржы жылына белгіленген АЕК 400000 еселенген мөлшерінен астам немесе мемлекеттік сатып алуды жүзеге асыру үшін бөлінген соманың кемінде он бестен бір бөлігін құрайтын болса қаржылық орнықты деп танылады;
      4) әлеуетті өнім берушінің жұмыскерлеріне еңбекақы төлеу қоры өткен жылдың алдындағы үш жыл ішінде мемлекеттік кірістер органдарының ақпараттық жүйелерінің деректеріне сәйкес тиісті қаржы жылына белгіленген айлық есептік көрсеткіштің төрт жүз мың еселенген мөлшерінен астам немесе сатып алуды жүзеге асыру үшін бөлінген соманың кемінде он бестен бір бөлігін құрайтын болса қаржылық орнықты деп танылады.
31. Тауарларды сатып алуға қатысатын әлеуетті өнім беруші, егер ол жиынтығында осы Қағидалардың 30-тармағының 1) және 2) тармақшаларында көзделген шарттарға сәйкес келсе, қаржылық орнықты деп танылады.
1.     Көрсетілетін қызметтерді сатып алуға қатысатын әлеуетті өнім беруші, егер ол жиынтығында осы Қағидалардың 30-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
2.     Қаржы лизингі бойынша көрсетілетін қызметтерді сатып алуға қатысатын әлеуетті өнім беруші, егер ол жиынтығында осы Қағидалардың 30-тармағының 1) және 4) тармақшаларында көзделген шарттарға сәйкес келсе, қаржылық орнықты деп танылады.
3.     Шағын кәсіпкерлік субъектісіне жататын және жұмыстарды сатып алуға қатысатын әлеуетті өнім беруші, егер ол жиынтығында осы Қағидалардың 30-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
4.     Техникалық-экономикалық негіздемені, жобалау-сметалық (үлгілік жобалау-сметалық) құжаттаманы және қала құрылысы жобаларын әзірлеу жөніндегі жұмыстарды, сондай-ақ объектілер құрылысы жобаларына ведомстводан тыс кешенді сараптама жөніндегі жұмыстарды сатып алуға қатысатын әлеуетті өнім беруші, егер ол жиынтығында осы Қағидалардың 30-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
 

№

Сатып алу типі

Егер ол жиынтығында шарттарға сәйкес келсе, қаржылық орнықты деп танылады

1

Тауарларды сатып алу

1) кірістер;
2) төленген салық көрсеткіші;

2

Қызметтерді сатып алу (өзге)

1) кірістер;
2) төленген салық көрсеткіші;
3) еңбекақы төлеу қоры.

3

Объектілер құрылысы жобаларының ведомстводан тыс / қала құрылысы кешенді сараптамасы бойынша жұмыстарды сатып алу

 

4

ТЭН/ЖСҚ және қала құрылысы жобаларын әзірлеу бойынша жұмыстарды сатып алу

 

5

Техникалық қадағалау және (немесе) жобаларды басқару жөніндегі инжинирингтік қызметтерді сатып алу

1) кірістер;
2) төленген салық көрсеткіші;
3) негізгі қаражаттар;
4) еңбекақы төлеу қоры.

6

Жұмыстарды сатып алу (өзге)

 

7

ТЭН және ЖСҚ-мен жұмыстарды сатып алу /  Қолданыстағы автомобиль жолдарын орташа жөндеу бойынша жұмыстар

 

8

Қаржы лизингі бойынша қызметтерді сатып алу

1) кірістер;
4) еңбекақы төлеу қоры

32. 22-тармақтың 1) тармақшасынан өзге біліктілік талаптары осы Қағидалардың 287-тармағында көзделген бір көзден алу тәсілімен сатып алуды жүзеге асыру жағдайларына қолданылмайды. Осы Қағидаларда көзделмеген өзге де біліктілік талаптарын белгілеуге жол берілмейді.
33. Мемлекеттік кірістер органдарының мәліметтері веб-порталда күнтізбелік жыл ішінде бір рет осы мәліметтерді айқындау мақсатында қолданылатын жылдың алдындағы 1 қазаннан кешіктірілмей жаңартылады:
      1) осы Қағидалардың 30-тармағында көзделген әлеуетті өнім берушінің қаржылық орнықтылығы;
      2) осы Қағидалардың 126-тармағында көзделген төленген салықтардың көрсеткіші түріндегі тендерлік баға ұсынысына әсер ететін өлшемшарт;
      3) осы Қағидалардың 144-тармағында көзделген төленген салықтардың көрсеткіші бойынша әлеуетті өнім берушілердің тендерлік баға ұсыныстарының шартты бағалары тең болған кезде жеңімпаздың қатысуына жол берілмейді.
Назар аударыңыз! Бұл ретте әлеуетті өнім берушілердің қаржылық орнықтылығының және (немесе) төленген салықтардың көрсеткіштері бойынша Мемлекеттік кірістер органдарының мәліметтері үш жылдық кезеңнің соңғы есептелетін жылы үшін веб-порталда жаңартылады. 

  • No labels