Баға ұсыныстарын сұрату тәсілімен сатып алу туралы хабарландыру жасау

Баға ұсыныстарын сұрату тәсілімен сатып алу туралы хабарландыру жасау
Баға ұсыныстарын сұрату тәсілімен сатып алу әдетте үлгілік тауарларды/жұмыстарды/көрсетілетін қызметтерді қысқа мерзімде сатып алу талап етілетін және сатып алынатын тауарларға/жұмыстарға/көрсетілетін қызметтерге және Өнім берушіге мамандандырылған талаптар қойылмаған жағдайларда жүргізіледі. Сонымен бірге бұл сатып алулар сатып алу типі бойынша жылдық бюджеттің шағын сомасы шеңберінде жүргізіледі, әдетте 4 000 АЕК-пен шектеледі.
Осы тәсілмен сатып алуды жариялау үшін келесі әрекеттерді орындау қажет:
Жылдық сатып алу жоспарының кезекті тармағын жасау кезінде "Баға ұсыныстарын сұрату" сатып алу тәсілін көрсету
 
Барлық қажетті жолақтарды толтырып, «Сақтау» батырмасын басыңыз.
Тармақ жылдық жоспарда «Жоба» мәртебесімен пайда болады.
Оны құсбелгімен таңдап, «Бекіту» батырмасын басыңыз. Содан кейін тағы бір рет белгілеп, «Өтінім жасау» батырмасын басыңыз. Өтініш беру терезесі ашылады. Қажет болған жағдайда тендерлік құжаттаманы тіркеп, «Жіберу» батырмасын басуға болады.

Сатып алу->Менің өтінімдерім мәзірінен хабарландыруға орналастыру үшін қажетті лоттарды таңдаңыз;
Жолақтарды толтыру  - Хабарландырудың атауы, Өнім берушілерден өтінімдерді қабылдаудың басталу күні және Өнім берушілерден өтінімдерді қабылдаудың аяқталу күні. Өтінімдерді қабылдаудың басталуы мен аяқталуы арасындағы айырмашылық кемінде 5 жұмыс күнін құрауы тиіс.
Қажет болса, хабарландыруға шарт жобасын тіркеңіз және / немесе қосымша лот қосыңыз.
«Сақтау» немесе «Жариялау» батырмасын басыңыз.

«Жариялау» батырмасын басқан кезде өтінім порталда жарияланады.