Аккредиттеу үшін қажетті құжаттар

Аккредиттеуді жүргізу үшін Порталды пайдалану қағидаларына сәйкес келесі құжаттар қажет:
Заңды тұлғалар үшін:

• заңды тұлғаны (ЗТ) тіркеу (қайта тіркеу) туралы куәліктің және /немесе ЗТ мемлекеттік  тіркеу (қайта тіркеу) туралы анықтаманың электрондық көшірмесі;
• ЗТ (консорциум) уақытша бірлестігі үшін - консорциалдық келісімнің (бірлескен шаруашылық қызмет туралы келісімнің) және заңды тұлғаны (ЗТ) тіркеу (қайта тіркеу) туралы куәліктің және/немесе ЗТ мемлекеттік тіркеу (қайта тіркеу) туралы анықтамалардың электрондық көшірмесі;
• құрылтайшылар туралы мәліметтерді қамтитын құжаттың электрондық көшірмесі: заңнамада белгіленген тәртіппен бекітілген Жарғының электрондық көшірмесі және/немесе акцияларды ұстаушылар тізілімінен үзінді көшірме және / немесе заңнамаға сәйкес берілген құрылтайшылар туралы мәліметтерді қамтитын өзге құжаттың электрондық көшірмесі;
• бірінші басшыны тағайындау (сайлау) туралы құжаттың электрондық көшірмесі (консорциум қатысқан жағдайда құжаттың электрондық көшірмесі, сондай-ақ консорциумға кіретін әрбір заңды тұлғаның уәкілетті тұлғасы консорциум туралы келісімге қол қою құқығын растайтын құжаттың электрондық көшірмесі ұсынылады);
• сатып алу Порталына Қатысушының жарғысына сәйкес сатып алу Порталына Қатысушының атынан сенімхатсыз сөз сөйлеуге құқығы бар сатып алу Порталына Қатысушының бірінші басшысын қоспағанда, сатып алу Порталына Қатысушының мүдделерін білдіретін тұлғаға (тұлғаларға) сатып алу Порталында тіркелу және жұмыс істеу құқығына берілген сенімхаттың электрондық көшірмесі;
• ҚҚС бойынша тіркеу есебіне қою туралы куәліктің электрондық көшірмесі;
• бірінші басшының жеке куәлігінің электрондық көшірмесі;
•  ұйымның лицензияларының немесе рұқсат құжаттарының электрондық көшірмесі;
• "CT-KZ" нысанындағы ұйым тауарларының шығарылған сертификаттарының электрондық көшірмесі.

ЖК үшін:

• ҚҚС бойынша тіркеу есебіне қою туралы куәліктің электрондық көшірмесі;
• бірінші басшының жеке куәлігінің электрондық көшірмесі;
• жеке кәсіпкер ретінде мемлекеттік тіркеу туралы құжаттың (анықтаманың) электрондық көшірмесі;
• ЖК лицензияларының немесе рұқсат құжаттарының электрондық көшірмесі;
• "CT-KZ" нысанындағы ұйым тауарларының шығарылған сертификаттарының электрондық көшірмесі.